Մեր մասին
Liooli-ն օնլայն վճարումների հարթակ է, որը ստեղծվել է առցանց առևտուրը խթանելու համար: Այստեղ հանդիպում են վաճառողն ու գնորդը, ծանոթանում, շփվում միմյանց հետ, պայմանավորվում, փոխանակում ապրանքներն ու տպավորությունները և բաժանվում` նորից հանդիպելու ակնկալիքով:
Liooli-ն հրաշալի հնարավորություն է միավորելու հարթակին անդամակցող վաճառողներին և գնորդներին` ապահովելով վերջիններիս կողմից կնքվող գործարքների արագ և հարմարավետ բանկային սպասարկումը։ Հարթակի վճարահաշվարկային համակարգի ներդրումն իրականացվել է Ամերիաբանկի կողմից՝ որպես թվային հարթակների և նորարարական լուծումների զարգացման իր քաղաքականության բաղադրիչ:
Հարթակին անդամակցող անձինք մոտ ապագայում հնարավորություն կունենան նաև գնման դիմաց վճարելու ոչ միայն իրենց սեփական, այլև Ամերիաբանկից ստացված փոխառու միջոցների հաշվին, ինչը կենթադրի նաև հարթակի անդամ հանդիսացող և վարկավորման հայտ ներկայացրած անձանց վարկավորում` նույն էկոհամակարգի ներքո:
Liooli-ն մեկնարկում է իր գործունեությունը Հայաստանում արտադրված ապրանքների ներկայացմամբ: Մենք ցանկանում ենք, որ հայկականն ու Հայաստանը դառնան ճանաչելի ոչ միայն Հայաստանում, այլև նրա սահմաններից դուրս:
Մեր տեսլականն է Հայաստանում ստեղծել առցանց գնումների ամենամեծ հարթակը:
