Nairian
Կոնտակտային տվյալներ
Մեր ընկերության հիմնադրման պատմությունը տունդարձի պատմություն է: Ավելի քան 20 տարի Միացյալ Նահանգներում ապրելուց և տեխնոլոգիաների ոլորտում աշխատելուց հետո մեր հիմնադիրները՝ Արան և Անահիտը, տուն դառնալու որոշում են կայացնում: Մինչ այդ պարբերաբար ճամփորդելով Հայաստանում` նրանք ակնածանք էին զգում հայրենի բնության բազմազանության և շքեղության հանդեպ և մտորում բուսաբուժության ոլորտում Հայաստանի հնագույն մշակույթի և ավանդույթների շուրջ:
Այդ ոլորտում փոփոխություն բերելու նպատակով ոգեշնչված՝ Արան և Անահիտը հիմնում են «Նաիրիան»-ը՝ միավորելով մեր հնագույն ավանդույթներն ու գիտական արդի մեթոդները: Նրանց նպատակն էր աջակցել Հայաստանի կայուն զարգացմանն ու բարեկեցությանը, ինչպես նաև աշխարհին փոխանցել այն բալասանների գաղտնիքները, որ բացահայտել են Հայաստանի բնությունն ու մեր գեղեցիկ երկրում ապրող մարդիկ:
«Նաիրիան»-ի գիտնականների, գյուղատնտեսների, շուկայագետների, գեղեցկության խորհրդատուների և ձևավորողների խումբը բարդ աշխատանք է տարել՝ ստեղծելով խնամքի բնական միջոցների շարք, որոնք ներդաշնակ ձոն են գեղեցկությանն ու առողջությանը:
