Մեր գործընկերները - liooli.am

Silver by Tsirany

«Silver by Tsirany» բրենդը ազգային տարրերով և ժամանակակից շնչով պատրաստված արծաթյա զարդերի մասին է: Մինիմալիստական ու վառ, պարզ դետալներով և բարդ լուծումներով. մեր վարպետների ձեռքը ստեղծում է այն, ինչ ծնել է անսպառ միտքը: Մենք հետևում ենք մեր մտքի թռիչքին, արծաթից զարդ կերտում, մետաղին շունչ հաղորդում, պատմում մեր ու ձեր երազանքների մասին:

Sipane

«Սիփանե» զարդերը ծնվում են հայկական չկրկնվող զարդանախշերի և ժամանակակից ոճային լուծումների համադրությամբ: «Սիփանե»-ում կարող եք գտնել աքսեսուարներ ցանկացած տարիքի և ճաշակի համար։ Մեր զարդերը պատրաստվում են արծաթյա հումքից և միտված են նոր շունչ հաղորդելու ժամանակակից նորաձևությանը` պահպանելով հայկական բազմադարյա արծաթագործության նրբերանգներն ու զարդանախշերը։

Sneakerhead

Stepcraft

«Stepcraft»-ը հայկական ընտանեկան ընկերություն է. հոբբի ու ներշնչանք, որը ժամանակի ընթացքում դարձել է ճանաչված ապրանքանիշ: «Stepcraft»-ն զբաղեցնում է իր ուրույն տեղը շուկայում, քանի որ մեզ համար առաջնային նպատակը հաճախորդին որակյալ և մատչելի արտադրանք մատուցելն է։ «Stepcraft»-ը ստեղծում է կաշվե աքսեսուարներ կանանց և տղամարդկանց համար։ Յուրաքանչյուր մոդել ստեղծվում է մեծ հոգատարությամբ:

Syune Silver

Սյունե սիլվերը Ձեզ է ներկայացնում հայկական արտադրության 925 հարգի արծաթյա զարդերի լայն ընտրանի: Շուրջ երեք տարի լինելով այս ոլորտում` Սյունեի զարդերը հասցրել են սիրվել ողջ աշխարհում: Սյունե սիլվերը համադրում է գեղեցիկն ու որակյալը և փորձում մնալ ցանկացած ժամանակին համահունչ:

Taraz Art

Բարի գալուստ «Taraz & Art by Lilit Melikyan» ավանդական դիզայնի զարմանահրաշ աշխարհ: Աշխարհում ամեն օր ծնվում են տասնյակ սքանչելի գաղափարներ, պատրաստվում են գործվածքների հարյուրավոր տեսակներ, որոնց հետ կենդանանում են լեգենդները։ Մենք ստեղծագործում ենք, նկարում, տպագրում և ասեղնագործում ... Զգուշորեն միավորում ենք ավանդույթներն ու տեխնոլոգիաները, որպեսզի դուք զգաք անցյալի կապն ու ապագայի էներգիան։ Մենք աշխատում ենք երեք ուղղությամբ․ Տեքստիլ դիզայն Թվային տեքստիլ տպագրություն Տեքստիլ արտադրանք

TEVQ

«TEVQ» ոսկերչական ապրանքանիշն ստեղծվել է 2014թ.-ի ապրիլին երկու քույրերի` Շուշան և Տաթև Ղալթախչյանների կողմից, որոնք սիրում են ձեռագործ արվեստը: Բրոնզից, արծաթից և այլ մետաղներից ծնված ստեղծագործությունները ուրախության, ներդաշնակության, ճաշակի, պատմության և կրքի մասին են: «TEVQ»-ի զարդերը թևեր կտան ձեր երևակայությանը, կամբողջացնեն ձեր կերպարն ու կդառնան ձեր ամենօրյա կերպարի համահունչ լրացումը:

Tilkian

Tmblik

«Tmblik»-ը նախագծում և արտադրում է խաղալիքներ, մանկական պարագաներ և ապագա մայրիկների համար նախատեսված բարձեր։ Մենք օգտագործում ենք միայն էկոլոգիապես մաքուր նյութեր՝ բամբակյա կտորներ և բնական փայտ։ «Tmblik»-ում ստեղծված խաղալիքներից են՝ «Պայուսակով Անուշիկ տիկնիկը» և մեքենաները՝ նախատեսված բոլոր տարիքի փոքրիկների, ինչու չէ նաև մեծերի համար։ Թմբլիկները ստեղծվում են Հայաստանում սիրով և խնամքով։

ToyLab

«TOYLAB»- ը զբաղվում է 3D (եռաչափ) փազլների և կոնստրուկտորների արտադրությամբ։ Մոդելային շարքերը նախատեսված են տարբեր տարիքային խմբերի երեխաների համար, պատրաստվում են էկոլոգիապես մաքուր և առողջության համար անվնաս նյութերից` կավից, փայտից, ստվարաթղթից։ «TOYLAB» խաղերը զարգացնում են ուշադրությունը, հետևողականությունը, համբերատարությունը, թիմային աշխատանքի հմտությունները։ Եռաչափ փազլների և կոնստրուկտորների շնորհիվ երեխաները հնարավորություն են ստանում զարգացնելու տրամաբանական մտածելակերպն ու ստեղծարարությունը։