Մեր գործընկերները - liooli.am

Boged

Կաշվե պայուսակների և աքսեսուարների արտադրությունը պահանջում է գիտելիքներ, գեղեցիկի զգացողություն, ինքնատիպություն և նորը ստեղծելու մեծ ցանկություն: «Բոգէդ» ՍՊԸ-ն տարիներ շարունակ զբաղվում է պայուսակների և աքսեսուարների արտադրությամբ և հանդիսանում է այս ոլորտի առաջատար ընկերություններից մեկը: Ընկերության բարձրորակ արտադրանքը որակի, հարմարավետության ու բազմազանության խորհրդանիշ է: Բարձրակարգ մասնագետները պատրաստում են պայուսակների լայն տեսականի, որն իր բազմազանությամբ ու ինքնատիպությամբ կբավարարի նույնիսկ ամենաքմահաճ հաճախորդի պահանջները: «Միայն բարձրորակ արտադրանք, միայն բարձրորակ կաշվից»,- սա է «Բոգէդ» ընկերության կարգախոսը: Մեր նպատակն է գոհացնել հաճախորդներին և օգնել յուրաքանչյուրին կերտելու իր ինքնատիպ ոճը: Յուրաքանչյուր պայուսակ և աքսեսուար գնելիս տրվում է մեկ տարվա երաշխիք: Ընդունվում են նաև անհատական պատվերներ, որոնք իրականացվում են սեղմ ժամկետներում:

Bold Men

«Bold Men»-ը ընտանեկան փոքր բիզնես է, որը 2016 թվականին մի գեղեցիկ փոքրիկ երկրում հիմնել են երիտասարդ և ջերմեռանդ մարդիկ: Առաջին բույրը, որի նրբերանգները ծնունդ են առել յուրահատուկ բանաձևի շնորհիվ, ստեղծվել է ընկերության հիմնադիրների խոհանոցում: Մեկ տարվա ընթացքում նոր բույրեր ստեղծող յուրահատուկ խոհանոցը վերածվեց փոքրիկ գործարանի, որը գտնվում է Հայաստանի սրտում` Երևանում: «Bold Men»-ի տեսլականն է` զարգանալ և միջազգային հարթակներում մատակարարների և մանրածախ առևտրի միջոցով գրավել նոր հորիզոններ: Այս գեղեցիկ ոգեշնչումը, որը մենք անվանում ենք «Bold Men»-ի կիրք, ոչ միայն տղամարդկանց համար նախատեսված կոսմետիկ ապրանքանիշ է, այլ հոգեվիճակ է և կենսակերպ: Ստեղծման պահից ի վեր «Bold Men»-ի առաքելությունն է` ստեղծել մատչելի ապրանքանիշ և ապահովել լավագույն որակ, հետևել եզակի բնական արտադրանք ստեղծելու մեր առաքելությանը և դառնալ ազգային ապրանքանիշ: Մեր տեսականին առանձնահատուկ է, որովհետև պատրաստվում է սիրով և հոգատարությամբ: Ձեռքով պատրաստված և մեկ առ մեկ շշալցված արտադրանքը մեր յուրահատուկ... Ավելին

Ceramazart

ԿերամաԶարդ արվեստանոց-ուսումնարանը հիմնվել է «ԳՈՅ» Մարդասիրական Հիմնադրամի կողմից: ԿերամաԶարդում պատրաստվում են բացառապես անվտանգ՝ սննդային ջնարակով պատված, կիրառական և դեկորատիվ, Handmade կերամիկական իրեր, որոնք ամբոջությամբ պատրաստվում և նկարազարդվում են արցախցի տեղահանված վարպետների ձեռքերով: Կերամիկական ձեռագործ իրերը մեկ անգամ թրծվելուց (1050‘C) և ձեռքով մանրակրկիտ հղկվելուց հետո նկարվում և նկարազարդվում են արցախցի նկարիչ-նկարազարդողների կողմից, պատվում սննդային թափանցիկ ջնարակով և թրծվում երկրորդ անգամ: Կերամազարդի հիմքում հինը և ավանդականը արդիականացնելու, նորովի մատուցելու և այն մեր ամենօրյա կյանք ներմուծելու մոտեցումն է. հայկականը ժամանակակից է և որակյալ: ԿերամաԶարդը ԲԻԶՆԵՍ չէ, այն բարեգործական նախագիծ է, որի հիմքում մեր բարերարների նվիրատվություններն են՝ ուղղված մեկ նպատակի. ԱՐՑԱԽԸ և ԱՐՑԱԽՑԻՆ պետք է ապրեն արժանապատիվ և բարեկեցիկ: Դուք՝ գնելով ԿերամաԶարդի ձեռագործ կերամիկան, դառնում եք այս բարեգործական նախագծի մի ԿԱՐԵՎՈՐ մասնիկը և ՄԵՐ գաղափարակիցը: ՄԵՆՔ և ԴՈՒՔ չենք կարող... Ավելին

Chinary

«Չինարի» ապրանքանիշը կրում է Հայաստանի սահմանապահ Չինարի գյուղի անվանումը։ 2018 թվականին սկսեցինք զբաղվել չրի արտադրությանբ գյուղում նոր աշխատատեղեր ստեղծելով: Չրերը պատրաստվում են հիգիենիկ պայմաններում, բնական ճանապարհով, առանց շաքարի, ծծմբի և այլ քիմիական հավելումների, ու ամենակարևորը սիրով:

CLARUS

Clarus ընկերությունը ներկայացնում է հայկական արտադրության պրոֆեսիոնալ շամպուն: Շամպունի հոտը եզակի է, պարունակում է բացառապես օրգանական յուղեր։ Այն նախատեսված է ինչպես բնական վիճակի բոլոր տեսակի մազերի համար , այնպես էլ ներկված , գունաթափված և կերատինային հարթեցում արված մազերի համար: Ունի 2 գործառույթ՝ մաքրող և սնուցող, ճիշտ խնամքի միջոցով շամպունը ազդում է մի շարք խնդիրների վրա, ժամանակի ընթացքում դրանք վերացնելով

Clean Face

Գեղեցիկ ու խնամված կինը դարեր շարունակ եղել է ոգեշնչման աղբյուր: «Clean Face» ապրանքանիշը նույնպես ձոն է կնոջ նրբագեղությանն ու նրա գեղեցկությանը, այն սիրո յուրահատուկ խոստովանություն է: Մենք ուզում ենք գեղեցիկ ու խնամված տեսնել բոլոր կանանց, ցանկանում ենք ամեն օր նրանց տալ ավելի գրավիչ լինելու, գերելու և հմայելու անսպառ հնարավորություններ: «Clean Face» բնական հիմքով ստեղծված խնամքի միջոցներն ունեն յուրահատուկ բանաձև, որը թույլ է տալիս թափանցել մաշկի ամենախորը շերտեր և պահպանել մաշկի առաձգականությունն ու երիտասարդությունը: Խնամքի միջոցները հմտորեն և գրագետ պայքարում են ակնեի, թարախային բշտերի, հետքերի և գերճարպարտադրության դեմ: Այս 2 տարիների ընթացքում «Clean Face»-ի խնամքի միջոցներն օգնել են հազարավոր աղջիկների և կանանց ՝ պարգևելով առողջ և շողացող մաշկ: «Clean Face» արտադրանքը «Սերտիֆիկացման միջազգային կենտրոն»-ի կողմից անցել է in vitro փորձաքննություն և ստացել է վաճառքի իրավունք ամբողջ ԵԱՏՄ տարածքում:

Dilakian Brothers

Դիլաքյան Բրադըրս ընկերությունը հիմնադրվել է բոլորի կողմից սիրված «Գտնված Երազ» մուլտֆիլմի հեղինակներ, նկարիչներ Դիլաքյան եղբայրների՝ Հովիկի և Գագիկի կողմից։ Ընկերության նպատակն է արվեստը դարձնել ավելի պրակտիկ և հասանելի. մեր ապրանքատեսականում կարելի է գտնել նկարիչների կողմից ստեղծված իլյուստրացիաներով նմուշներ, որոնք կուղեկցեն Քեզ առօրյայում։ Արվեստի Քո կտորը Քեզ հետ կլինի ողջ օրվա ընթացքում։

Eco Farm

«Eco Farm»-ի պատմությունը բնությունը սիրելու, բնության առատաձեռնությունը տեսնելու, այն գնահատելու և միշտ նոր գաղափարներով ոգեշնչվելու մասին է: 2008 թվականին ընկերության հիմնադիր Լիլիթ Ղարիբյանի ամուսինը Սյունիքում աշխատում էր ջայլամաբուծական ֆերմայում: Հենց այս հանգամանքն էլ կանխորոշում է «Eco Farm»-ի ստեղծումը: Տարիներ անց՝ 2017 թվականին, Լիլիթի ընտանիքն ուսումնասիրում է շուկայում ջայլամաբուծության պահանջարկը և որոշում է կյանքի կոչել նոր նախաձեռնություն, որը պիտի մոտ ապագայում դառնար ոգեշնչման աղբյուր և ընտանեկան բիզնես: Հոգալով ֆինանսական բոլոր կարիքները և գնահատելով մարտահրավերները` Լիլիթի ընտանիքն անցնում է գործի ու սկսում է Եղվարդում ջայլամներ բուծել: Մսի իրացումն աստիճանաբար հունի մեջ է ընկնում: Ժամանակի ընթացքում Լիլիթը բացահայտում է, որ ջայլամի յուղը բավական օգտակար հատկություններ ունի և բարերար ազդեցություն է թողնում մաշկի վրա: Մշտապես նորարարական ճանապարհներ և մեթոդներ փնտրող ամուսինները որոշում են կայացնում օգտագործել ջայլամի յուղը և ստեղծել էկոլոգիապես մաքուր խնամքի միջոցներ:... Ավելին

Elizé

Եթե գնահատում եք ձեռագործ աշխատանքը, ապա «Elizé»-ի զարդերը ձեզ դուր կգան: Մեր զարդերը պատրաստվում են Swarovski և Preciosa բյուրեղներով ու մարգարիտներով, չեխական ապակե ուլունքներով և թանկարժեք քարերով, որոնք ընտրվել են իրենց գեղեցկության և արտասովոր գույնի համար: Բոլոր զարդերն ունեն արծաթե, 23K ոսկեապատ և ռոդիումապատ ականջալարեր և փակիչներ:

Emma Veled

Ինչը կարող է ավելի լավ պատմել ձեր մասին, որքան օծանելիքը: «Emma Veled» ընկերությունն օծանելիքների շնորհիվ օգնում է ձեզ արտահայտել սերը, հույզերը, հիշողություններն ու տրամադրությունը: «Emma Veled» օծանելիքները ստեղծվում են ֆրանսիական հումքով ու հատուկ տեխնոլոգիայով, ինչի շնորհիվ բույրն ապրում և տարածվում ողջ օրվա ընթացքում: Մենք ու մեր հաճախորդներն ապրում ենք «Emma Veled» բույրերի աշխարհում: