Մեր գործընկերները - liooli.am

Jasmine Home

«Jasmine Home»-ը տեքստիլ արտադրող հայկական ընկերություն է, որն առաջարկում է մեծ և մշտապես թարմացվող տեսականի: «Jasmine Home»-ը հիմնադրվել է 2016թ.-ին ճարտարապետ-դիզայներ և բժիշկ քույրերի կողմից: Մեր հավաքածուներում համատեղվում են նրբաճաշակությունն ու հարմարավետությունը: Անկողնային պարագաները ձեր հանգիստը կդարձնեն եթերային ու ներդաշնակ: Իսկ ինտերիերի համար ստեղծված անկրկնելի ու նուրբ իրերը ձեր բնակարանը կվերածեն սիրելի ու ստեղծարար վայրի, ուր միշտ կցանկանաք վերադառնալ:

Jefriend

«Jefriend»-ը ստեղծվել է 2021 թվականին։ Արծաթի, կիսաթանկարժեք բնական ու արհեստական քարերի, արույրի, պղնձի, կաշվի ու մեր վարպետների մտքի թռիչքի համադրության արդյունքում ստեղծվում են զարդերի յուրօրինակ հավաքածուներ, որպեսզի դուք և ձեր մտերիմները զգաք շրջապատի հիացական հայացքները: «Jefriend»-ի յուրաքանչյուր զարդ պատրաստվում է ձեռքով: Մեր հավաքածուները զգացմունքների բույլեր են, որոնք ձեր կյանքի ներկապնակին ավելացնում են վառ ու դրական գույներ:

Kara Silver

«KARA SILVER» բրենդը հիմնադրվել է 2008թ.-ին Կարինե Ավետիսյանի կողմից: Կարինեն հայկական շուկայում իր ստեղծագործությունները ներկայացնող առաջին կին արծաթագործն է: «KARA SILVER» մոլորակի բոլոր աշխատակիցները կանայք են, ում կանացի ու նուրբ ձեռքերի շնորհիվ երևակայությունից ծնված ամեն պայծառ գաղափար իրականություն է դարձնում: «KARA SILVER»-ի ստեղծագործությունները չենք կարող պարզապես զարդ անվանել։ Դրանք արվեստի իրական գործեր են` ստեղծված սիրով, տաղանդով, մանրակրկիտ ու քրտնաջան աշխատանքով:

Kerpaz

Kerpaz ապրանքանիշը ներկայացնում է հայկական արտադրության մետաքսյա շարֆեր, որոնց հիմքում դրված է հայկական խորհրդանիշներից մեկը՝ կովկասյան հովազը։ Շարֆերն իրենց մեջ կրում են ինչպես հայկական ավանդական, այնպես էլ արդիականացված մշակութային տարրեր։

Khachani

«Խաչանի»-ն հիմնադրվել է 2020 թվականին: Մենք ներկայացնում ենք աքսեսուարներ, որոնք ունեն հայկական տարրեր և ժամանակակից լուծումներ: «Խաչանի»-ն բնավորություն ունեցող բրենդ է, որն անչափ սիրում են ինքնատիպ ոճն ունեցողները: «Խաչանի»-ի յուրաքանչյուր ձեռագործ մոդել կընդգծի ձեր կերպարի յուրօրինակությունն ու անհատականությունը: «Խաչանի»-ն պատմում է ձեր մասին արվեստի լեզվով:

Khachatryan Craft

Koghb Foundation

«Կողբ» կրթամշակութային հիմնադրամը հիմնադրվել 2013 թ.-ին։ Հիմնադրամի առաքելությունն է կրթական, մշակութային և սպորտային նախագծերի իրականացման միջոցով նպաստել կյանքի որակի բարելավմանը Հայաստանի մարզերում, իսկ տեսլականը՝ այնպիսի Հայաստանը, որտեղ բարեգործական հիմնադրամները անելիք չունեն։

Lambron Wallet

«Lambron Wallet»-ը բարձրորակ կաշվից դրամապանակներ արտադրող Հայկական ապրանքանիշ է, որն իր գործուներությունը մեկնարկել է 2019թ.-ին: Մենք ներկայացնում ենք բացառապես բնական կաշվից պատրաստված դրամապանակներ, որոնք կբավարարեն անգամ ամենախստապահանջ հաճախորդներին` իրենց հարմարավետությամբ և նորաոճ դիզայնով:

Lusavor

Եթե կա լույսի գեթ մեկ շող, խավարն այդքան էլ սարսափելի չէ, իսկ արծաթը լուսավորում է ․․․ «Լուսավոր»-ն ավելին է, քան պարզապես զարդը։ Այս բրենդի զարդերն ունակ են կնոջ և տղամարդու միտքն ու հոգին լցնելու լույսով։

Lyoka's Brand

2020 թվականի պատերազմի ավարտից հետո նորը ստեղծելու ու կյանքը շարունակելու մեծ ցանկությամբ ստեղծվել է Lyoka's-ը։ Բրենդի հիմնադիրը Արցախցի ռեփեր Լյոկան է, իսկ ցանկացած արտադրանք ոգեշնչված է Արցախի յուրահատուկ ու անկրկնելի մշակույթով։