Մեր գործընկերները - liooli.am

Erexa

Մենք ուրախ ենք ներկայացնելու երեխաների ներդաշնակ զարգացմանը նպաստող գեղեցիկ գաղափարների ու նյութերի ամբողջությունը, որից կարող են օգտվել և´ փոքրերը, և´ մեծերը: Երեխաները շատ են սիրում ուրախ մուլտֆիլմեր դիտել, ունկնդրել երգեր և մասնակցել զվարճալի ու գունեղ միջոցառումների… Մեր տեսականու մեջ դուք կգտնեք խնամքով ու սիրով ընտրված բազմազան ժամանակակից և դասական մուլտֆիլմեր, ուսուցողական և դաստիարակչական բնույթի նյութեր, որոնք կխթանեն երեխաների զարգացումը, կընդլայնեն նրանց մտահորիզոնը: Բոլոր ծնողները ձգտում են լիարժեք բացահայտել իրենց երեխաների բնատուր հնարավորությունները և պայմաններ ստեղծել դրանք զարգացնելու համար: Դրա համար կան շատ հնարավորություններ՝ ընթերցանություն, խաղ, ֆիլմերի ու մուլտֆիլմերի դիտում, մրցույթներ… Վստահ ենք, որ երեխաները կընկերանան մուլտհերոսների հետ և իրենց նոր ընկերների հետ ավելի ուրախ ու հեշտ կբացահայտեն շրջապատող աշխարհի գաղտնիքները, կսովորեն տառերն ու թվերը, ձեռք կբերեն նոր կարողություններ, անգամ կխոսեն տարբեր լեզուներով…

Forest Voices

Grigoryan scarves

Սիրով ներկայացնում ենք ձեզ «Գրիգորյան դիզայնի և տպագրության սրահ» ապրանքանիշը: 2018 թվականից ի վեր մենք առաջարկում ենք տպագրական և դիզայներական ծառայությունների լայն տեսականի՝ ձևավորման աշխատանքներ, լայնաֆորմատ տպագրություն, տեքստիլի/ժապավենի, օֆսեթ/թվային տպագրություն, թերմոթաղանթային և վինիլային կտրատում և տպագրություն: Սակայն գեղեցիկն ու էսթետիկը ստեղծելու մեր ձգտումն օգնում է մեզ մտածել նոր ուղղությունների, նոր հորիզոնների մասին: Մենք ստեղծում ենք նաև հայկական զարդանախշերով շարֆերի և պայուսակների հսկայական տեսականի` յուրահատուկ տպագրությամբ և դիզայնով, ինչպես նաև մանկական տրիկոտաժ:

Haki

Ոսկյա և արծաթյա, նորաոճ ու բազմաձև, ժամանակակից ու հայկական... Այս բոլոր հատկանիշները մեկտեղվել են «Haki» ապրանքանիշում: Մենք կարևորում ենք մարդուն և ոգեշնչվում նրանից: Մենք ստեղծում ենք ձեր կերպարն ամբողջացնող և ձեր յուրօրինակությունը շեշտող զարդեր: Մեծապես կարևորելով ազգային մշակույթի պահպանումը` մենք օգտագործում ենք նաև հայկական զարդարվեստի նմուշներ: Մենք ընդունում ենք նաև անհատական պատվերներ և ստեղծում ենք ձեր երազանքի զարդերը:

HASIS

«HASIS» բրենդի առաքելությունը կիրառական զարդերի և աքսեսուարների միջոցով հայ արվեստի և մշակույթի հանրահռչակմանը նպաստելը, այն ժամանակակից չափանիշներով ներկայացնելն ու հայ ստեղծագործ մտքի ներուժն ու յուրօրինակությունն ընդգծելն է: «HASIS»-ի յուրաքանչուր նմուշ որպես դեսպան տարածում է մեր մշակույթը ողջ աշխարհում և փոխանցում սիրո բերկրանք ու երջանկություն: «HASIS»-ը, համագործակցելով հայաստանյան տարբեր թանգարանների հետ, ստեղծել է հավաքածուներ նրանց նմուշների մոտիվներով: Մեր խորհրդանիշը դարձած շուշանածաղիկը օգտագործվել է ուրարտական շրջանից սկսած` որպես չար ուժերից պաշտպանող սիմվոլ: Ըստ լեգենդի` Վանի թագավորության Հասիս թագուհու շնորհիվ, ով երեք քառյակ է լույս աշխարհ բերել՝ 12 արու զավակ պարգևելով Արգիշտի II արքային, այն դարձել է մայրության ու պտղաբերության խորհրդանիշ: «HASIS»-ը սիրո և երջանկության արքայական ընծան է:

Haterk Food

Hayouhi

Սիրելի՜ հայուհիներ, դարձեˊք ինքներդ ձեր իդեալը: 2021 թվականին հենց այս գաղափարախոսությամբ «ծնվեց» «Հայուհի»-ն` կանանց և աղջիկների գեղեցկությունն ու հմայքն ընդգծող հայկական ապրանքանիշը: «Հայուհի»-ն առաջարկում է խնամքի և կոսմետիկ միջոցներ, որոնք պատրաստված են բնական հումքից, անցել են լաբորատոր քննություն և ստացել ԵԱՏՄ սերտիֆիկատ:

Hirik

Ֆլորենտական շուշան, արևի հարս, սիրո և գարնան ծաղիկ, խիզախության խորհրդանիշ, կամ սիրելիս. աշխարհի տարբեր անկյուններում այսպիսի գեղեցիկ անուններով են կոչում հիրիկը կամ փնջածաղիկը: «Hirik» հայկական ընկերության ստեղծման պատմությունը գեղեցիկ է, ինչպես համանուն ծաղիկը: Մասնագիտության ու հիմնական աշխատանքի հետ որևէ կերպ չառնչվող և զուգահեռներ չունեցող սիրելի զբաղմունքը ընկերության հիմնադիր Լիլիթ Զադայանի համար ժամանակի ընթացքում դառնում է ընտանեկան բիզնես. ամուսնու հետ որոշում են պատրաստել Հայաստանում դժվարությամբ ձեռք բերվող յուղեր ու եթերայուղեր և արտադրություն հիմնել: Ապրանքանիշի անվան հարցում երկար մտորումներ չեն ունենում և ընտրում են «Hirik» անվանումը, քանի որ դեռևս հնագույն ժամանակներից նրա արմատներից ստացված յուղը որպես շատ արժեքավոր բաղադրիչ օգտագործվում է օծանելիքի արտադրության մեջ։ Այսօր ապրանքանիշը ներկայացնում է նշի, ծիրանի կորիզի, կանեփի, դդմի կորիզների, ընկույզի, պնդուկի, գետնանուշի, սև քիմիոնի, քունջութի, արևածաղկի և կտավատի բնական բուսայուղեր, ինչպես նաև խնամքի միջոցներ, որոնց մի մասի... Ավելին

Hovash

«Հովաշ»-ը ապրելակերպ է, մեր ոգեշնչման աղբյուրը` բնությունն ու պարզությունը: Մենք հավատացած ենք, որ զարդերն ունակ են ամբողջացնելու մեր կերպարը և շեշտելու այն կրողի եզակիությունը: Մեր բոլոր զարդերը ձեռագործ են, ինչն էլ ապահովում է նրանց առանձնահատկությունն ու անհատականությունը: Արծաթ, ոսկի և էմալ. ահա այն նյութերը, որոնք մեզ թույլ են տալիս երազել, ստեղծագործել և աշխարհը դարձնել ավելի ներդաշնակ: Այսպես ենք մենք սահմանում մեր ոճը ու փոխանցում ձեզ:

Inaryan

«Ինարյան»-ը նպատակ ունի պահպանելու և ճանաչելի դարձնելու հայկական մշակութային արժեքները: Հայկական զարդարվեստի ու մշակույթի ամենագեղեցիկ նմուշների կիրառումը մեր արտադրանքին հաղորդում է հայկական ավանդական շունչ, իսկ այն կրողներին` ջերմություն: «Ինարյան»-ը համադրում է որակն ու ճաշակը՝ նոր շունչ տալով հայկական մշակութային արժեքներին: Ընտրելով «Ինարյան»` դուք ընտրում եք հայկականն ու նորաձևը: